ابليس يهاجر من مصر ... ادخل واضحك

السلام عليكم ورحمه الله وبركاتة

إبليس يهاجر من مصر

على باب سفارة كندا

لمحت ابليس و ف ايده استماره
بقول له على فين

قاللي بص ..يا هجره يا اعاره
يا عم زهقت كفرت

الاقيش معاك سيجاره

انا انتهيت خلاص

لا نافع وسواس ولا خناس

ولا ليا عيش وسط الناس

دي عالم مجرمين

عندكوا فائض ف الفساد
في كل البلاد

ومش محتاجين شياطين

مليش عيش ف البلد دي

بقالي سنين عاطل

و انتوا بتعرفوا

تقلبوا الحق باطل

و تسلكوا القاتل

و تمشوا ف جنازة المقتول

ومفيش مشاكل

يا عم ده انا بقيت أوسوس بالمقلوب

و أقول للحرامي كفايه بقى توب

..انت هاتعمل كل الذنوب لوحدك
و أنا ابليس

أشتغل واعظ ولا كمساري ف اتوبيس

يا عم ده انا زمان

..كنت استنى حد ينسى يسمي

..وهو بياكل لقمته

..دلوقتي كل اكلكم ملوث

..و بصراحه .....الواحد خايف على صحته

...ده مفيش ضمير اساسا

..عشان اموته

..و كل واحد بمزاجه

..خربانه ذمته

...يا عم ده كل حاجه اتسرقت

..وكده الاجيال الجديده

..م الحراميه اتظلمت

..يا راجل ده من كتر ما لطشت معايا

..خرجت ف مظاهره

..مع الناس اللي بتقول كفايه

و برضه مفيش فايده

اعوذ بالله من الشيطان الرجيم
أشهد أن لا إله إلا الله و أشهد أن محمدا رسول الله

اللهم أعفو عن سيئاتنا وأجعل كلماتنا صدقة طيبة بأمرك يا الله نستغفرك ونتوب إليك ما أحييتنا

لا جامده تسلم اديك وانا ان شاء الله هحصل ابليس قريب

زائر

لأ بجد موضوع حلو ومضحك

وانا وراك والله

هههههههههههههههههههههههههههههههههههههه
قصيده جميله روح شوفلك عيش فى حته تانيه

هههههههههههههه حلوه دى ابليس اجمد واحد اخدها من اخرها اذا كان ابليس عاطل فا شباب مصر هايكون لالالا انتوا تولعوا فى نفسكوا كلكوا كده وانا بقى مش هاعمل فى نفسى حاجه عشان اقرأ لكوا قرأن والنعمه انا طيبه اهه ياابليس لسه فيه فى مصر خير ارجع بقا ده انا محتجاك فى ثفقه حلوه قووووووووووى عشان ماتقولش انك عاطل ياسيدى هانولع فى المدرسه قبل يوم الامتحان اااااااه ال معايا من الاعضاء يقول ويشترك معايا انا وابليس بشرط هانكتب اسمه على الاسفلت هانكتب اسمه بالشكل ده على سبيل المثال (................) هو الذى فجر المدرسه لخوفه من الامتحان .... انما بقى لو مافيش حد هايشترك معايا هافجر المدرسه لمدة يوم وبالضمان لمدة اسبوع وماتسئلونيش ازااااااااااااى

» قصة الرسول مع ابليس
» لو بتحب حد ادخل هنا
» ادخل وجاوب
» لو بتحب التهيس ادخل هنا
» مش ها تقدر نكت رهيبه ادخل وشوفها